Ֆունկցիաների սահմանումը
Տրված են X և Y ոչ դատարկ բազմությունները։
Այնպիսի համապատախանությունը որի դեպքում X բազմության յուրաքանչյուր տարրի համապատասխանում է միայն մեկ տարրի Y բազմությունից, անվանում են ֆունկցիա տրված X բազմության վրա, որի արճեքները Y բազմությունից են։ Ֆունկցիան անվանում են թվային, եթե X և Y բազմությունների տարրերը թվերն են։
Գծային ֆունկցիան և նրա գրաֆիկը
y=kx+b տեսքի ֆունկցիան, որտեղ k-ն և b-ն տրված թվեր են, անվանում են գծային ֆունկցիա:
y=kx+b ֆունկցիան իմաստ ունի ցանկացած x-ի համար՝ ունենալով x-ի ցանկացած արժեք, բանաձևի օգնությամբ, կարելի է հաշվել y-ի համապատասխան արժեքը: Սա նշանակում է, որ y=kx+b ֆունկցիայի որոշման տիրույթը բոլոր իրական թվերի բազմությունն է:
Եթե b=0, ապա ստանում ենք y=kx ուղիղ համեմատականության ֆունկցիան:
Կառուցենք՝
y=4x+3 ֆունկցիայի գրաֆիկը:
Նախ կառուցենք y=4x ֆունկցիայի գրաֆիկը:
Արդեն գիտենք, որ դա (0;0) կետով անցնող ուղիղ գիծ է:
Համեմատելով y=4x+3 և y=4x բանաձևերը՝ նկատում ենք, որ նույն x-ի համար y=4x+3 ֆունկցիայի y-ը 3-ով մեծ է y=4x ֆունկցիայի y-ից:
Նշանակում է, որ եթե (x;y)−ը y=4x ֆունկցիայի գրաֆիկի կետ է, ապա y=4x+3 գծային ֆունկցիայի գրաֆիկի համապատասխան կետը կունենա (x;y+3) տեսքը:
Գրաֆիկը կառուցելու համար տեղափոխենք y=4x ֆունկցիայի գրաֆիկը դեպի վեր 3 միավորով՝ կստանանք y=4x+3 ֆունկցիայի գրաֆիկը:
Ստացվեց՝
y=kx+b գծային ֆունկցիայի գրաֆիկը ուղիղ գիծ է, որը զուգահեռ է y=kx ֆունկցիայի գրաֆիկին և ստացվում է դրանից զուգահեռ տեղափոխությամբ b միավորով:
Զուգահեռ տեղափոխելով y=4x ֆունկցիայի գրաֆիկը դեպի ներքև 2 միավորով՝ ստանում ենք y=4x−2 ֆունկցիայի գրաֆիկը։
Նկարի երեք ուղիղները իրար զուգահեռ են և ունեն նույն k=4 գործակիցը։
y=kx+b գծային ֆունկցիայի k թիվը անվանում են անկյունային գործակից: Այսպիսով՝ նույն անկյունային գործակցով ուղիղները զուգահեռ են:Եթե k>0, ապա y=kx+b ուղիղը x-երի առանցքի դրական ուղղության հետ կազմում է սուր անկյուն, եթե k<0, ապա այդ անկյունը բութ է:
Եթե y=kx+b բանաձևում տեղադրենք x=0, ապա կստանանք՝ y=b:
(0;b) կետը միշտ պատկանում է y=kx+b գծային ֆունկցիայի գրաֆիկին, իսկ b թիվը ցույց է տալիս, թե որ կետում է ուղիղը հատում y-ների առանցքը:
Դիտարկենք ֆունկցիաների օրինակներ:
Օրինակ 1:
Մայրուղու վրա գտնվում են A և երկու B կետերը, որոնց միջակա հեռավորությունը 20կմ է: Մոտոցիկլավարը դուրս եկավ B կետից և 50կմ/ժ արագությամբ շարժվեց A կետի հակառակ ուղղությամբ: t ժամում մոտոցիկլավարը կանցնի 50t կմ և A-ից հեռու կլինի (50t + 20) կմ: Եթե s տառով նշանակենք A կետից մոտոցիկլավարի հեռավորությունը (կիլոմետրերով), ապա այդ հեռավորության կախվածությունը շարժման ժամանակամիջոցից կարելի է արտահայտել հետևյալ բանաձևով.
s = 50t + 20, որտեղ t ≥ 0:
Օրինակ 2:
Աշակերտը գնել է 30 դրամանոց տետրեր և 150 դրամանոց մի գրիչ: Վճարը կախված է տետրերի թվից: Գնված տետրերի թիվը նշանակենք x, իսկ վճարը (դրամներով) y տառով:
Կստանանք.
y = 30x + 150, որտեղ x-ը բնական թիվ է:
Երկու օրինակներում էլ մենք հանդիպեցինք այնպիսի ֆունկցիաների, որոնք տրվում են y = kx + b տեսքի բանաձևերով, որտեղ x-ը անկախ փոփոխական է, k-ն և b-ն թվեր են: Այդպիսի ֆունկցիաները կոչվում են գծային:
Սահմանում:
Գծային ֆունկցիա կոչվում է այն ֆունկցիան, որը կարելի է տալ y = kx + b տեսքի բանաձևով, որտեղ x-ը անկախ փոփոխական է, իսկ k-ն և b-ն` ինչ-որ թվեր:
Քննարկենք գծային ֆունկցիայի գրաֆիկի հարցը: Ընդ որում կենթադրենք, որ ֆունկցիայի որոշման տիրույթը բաղկացած է բոլոր թվերից: Կառուցենք y = 0.5x — 2 գծային ֆունկցիայի գրաֆիկը:
Կազմենք x-ի և y-ի համապատասխան արժեքների աղյուսակը.
Կոորդինատային հարթության վրա նշենք այն կետերը, որոնց կոորդինատները նշված են աղյուսակում:
Նշված բոլոր կետերը գտնվում են մի ուղղու վրա: Այդ ուղիղը y = 0.5x — 2 գծային ֆունկցիայի գրաֆիկն է:
Ընդհանրապես` Գծային ֆունկցիայի գրաֆիկը ուղիղ գիծ է:
Գծային ֆունկցիայի գրաֆիկը կառուցելու համար բավական է գտնել գրաֆիկի երկու կետերի կոորդինատները, այդ կետերը նշել կոորդինատային հարթուոյան մեջ և դրանցով տանել ուղիղ:
Օրինակ 3: Կառուցենք y = 2x + 3 ֆունկցիայի գրաֆիկը:
y = 2x + 3 ֆունկցիան գծային է, ուստի նրա գրաֆիկը ուղիղ գիծ է: Օգտագործելով y = 2x + 3 բանաձևը, գտնենք գրաֆիկի երկու կետի կոորդինատները.
- եթե x = -2, ապա y = 2 * (-2) + 3 = -1,
- եթե x = 1, ապա y = 2 * 1 + 3 = 5:
Նշենք A(-2, -1) և B(1, 5) կետերը: Այդ կետերով տանենք ուղիղ: AB ուղիղը y = 2x + 3 ֆունկցիայի գրաֆիկն է:
k = 0 դեպքում y = kx + b բանաձևը, որով տրվում է գծային ֆունկցիան, ունի y = 0x + b,
այսինքն`
y = b տեսքը: y = b բանաձևով տրվող գծային ֆունկցիան միևնույն արժեքն է ընդունում ցանկացած x-ի դեպքում:
Օրինակ 4: Կառուցենք y = -2 ֆունկցիայի գրաֆիկը:
x-ի ցանկացած արժեքի համապատասխանում է y-ի միևնույն արժեքը` -2:
Նշենք որևէ երկու կետ` -2 օրդինատով.
օրինակ`
- A(0, -2) և B(4, -2), և նրանցով տանենք մի ուղիղ:
- AB ուղիղը y = -2 գծային ֆունկցիայի գրաֆիկն է:
Նշենք, որ եթե գծային ֆունկցիայի որոշման տիրույթը բոլոր թվերը չեն, ապա նրա գրաֆիկը ուղիղ համապատասխան մասն է: Օրինակ` դա կարող է լինել կիսաուղիղ կամ հատված:
Օրինակ․5 Կառուցենք y = 3x-7 և y = -6x + 2
y = 3x-7 և y = -6x + 2
3-ը հավասար չէ –6-ի, ապա գրաֆիկները համընկնում են:
Լուծենք հավասարումը.
3x-7 = -6x + 2
1-հատման կետի աբսցիսա.
Գտնենք օրդինատը.
Y = 3x-7 = -6x + 2 = 3-7 = -4
-4 -հատման կետի օրդինատ
Ա (1; -4) հատման կետի կոորդինատները.
Աղբյուրը՝ այստեղ
Աղբյուրը ՝ այստեղ